منتديات دار درة بنت أبي سلمة

( بحي الجنادرية)


    افتحي المجلس لضيوفك وخلي البخور يولع بنفسه لهم

    شاطر
    avatar
    "ميمو"

    عدد المساهمات : 365
    تاريخ التسجيل : 04/12/2009

    افتحي المجلس لضيوفك وخلي البخور يولع بنفسه لهم

    مُساهمة  "ميمو" في الخميس سبتمبر 16, 2010 1:00 am

    مرحبا للجميع

    صار لي موقف غريب من فتره بحكيه لكم

    اتصل علي زوجي وقال بسرررعه جهزي قهوه وشاي معي زملائي بالعمل بندخل شوي ناخذ اوراق ونتقهوى بسرعه ونطلع
    وانا قريب من البيت
    طبعا يالله لحقت اجهز القهوه والشاي وهو داخل مع زملائه...
    والمجلس مابعد بخرته استحييييت منهم خصوصا انهم اول مره يدخلون البيت على الاقل نستقبلهم بالريحه الزينه
    قلت يالله حصل خير ماباليد حيله


    المهم طلعوا بعد نصف ساعه تقريبا ودخلت المجلس والاقي ريحة هالبخور منتشره
    قلت معقول واحد منهم مبخرته زوجته قبل مايطلع والريحه عالقه فيه وصبغت البيت شكله بخور زين وريحته فتاكه

    المهم يوم شفت القهوه واضعف قدامها راسي مصدع واجلس اتفنجل <<اي اتقهوى


    والاحظ ريحة البخور تزيد اول شي كذبت نفسي بس بعدين تاكدت خلاص الريحه طلعت برا المجلس
    قلت يمكن انه مبخر المجلس بمبخره جديده او شي واجلس احوس ادور مصدر هالبخور حتى الكنب دورت تحته مافيه شي ابدا

    والريحه بازديــــاد ويجي الشيطان يوسوس لي
    قلت يمكن هذي ريحة (بسم الله الرحمن الرحيم) اخواننا اهل الارض اكيد عرفتوهم ماهنا غيري انا واياهم بالبيت





    واطلع طيرااااااااااان واتصل على زوجي واقوله السالفه وضحك
    قال روحي شوفي الثريا اللي بالمجلس واروح اشوف والقى كسرة بخور على اللمبه ومع حرارتها خصوصا انها ملونه مو بيضاء وحاره
    والبخور مولع
    يوم طفيت الثريا طفى البخور

    وبعدها اعتمدت هالطريقه على طول لازم الثريا احط فيها بخور تحسبا لاي طاريء

    اذا جاكم ضيوف ولعوا اللمبه والبخور يتولى الباقي بلا جمر ومباخر بلاهم
    غير ان الريحه تروح لكن فوق الثريا ماراح تطفى مثل الجمر والريحه ياسلام منتشره بكل الحته

    ملاحظه؛
    حتى الاباجوره اتوقع تنفع نفس الشي رغم اني ماجربتها لان بالبيت عندي ثريات وعبيتهم وما احتجت اجرب الاباجوره



    هذا سري اللي مخبيته عن الكل بس مو عليكم حبيباتي
    مثل ما استفدت منكم ان شاءالله اكون افدتكم


    منقـــــــــــــــــــول
    avatar
    شمعة أمل

    عدد المساهمات : 105
    تاريخ التسجيل : 25/03/2010

    رد: افتحي المجلس لضيوفك وخلي البخور يولع بنفسه لهم

    مُساهمة  شمعة أمل في الخميس سبتمبر 23, 2010 8:06 am



    مشــــــــــــــــــكوره يالغلا على النقل


    والله فكره رائعهـ


      الوقت/التاريخ الآن هو الثلاثاء أغسطس 21, 2018 2:07 am